Berisha merr rolin e liderit te Polonia

Basketbollisti më i mirë i tre viteve të fundit në Superligën e Kosovës dhe MVP-ja e stinorit të fundit në Ligën Ballkanike, Dardan Berisha, po tregon paraqitje të mira me fanellën e përfaqësueses së Polonisë, në kuadër të përgatitjeve për kampionatin europian Eurobasket 2015 që do të mbahet në shtator.

Përfaqësuesja e Polonisë ka zhvilluar brenda dy dite dy ndeshje kontrolluese përballë përfaqësueses së Republikës Çeke, ndërsa po në të dyja takime Dali shkëlqeu me paraqitjet e tij.

Në ndeshjen e parë që u fitua nga polakët me rezultat të thellë 70-52, Berisha shënoi 11 pikë duke u bërë koshashënuesi më i mirë te skuadra e tij, ndërsa në ndeshjen e dytë që u fitua me rezultat 65-64 pejani shënoi 8 pikë, duke qenë përsëri njëri ndër koshashënuesit më të mirë te Polonia.