Besa tejkalon Teleboysat

Skuadra e inkuadruar këtë stinor në Superligë, Besa, ka arritur një fitore të madhe ndaj RTV 21 në Karagaç sonte. Ekipi pejan i udhëhequr nga strategu kroat Boris Kurtovic ka arritur të fitojë përballjen 75-73. 

Ndeshja ka nisur me avantazh të mysafirëve nga Prishtina, të cilët të udhëhequr nga trajneri debutues në Superligë, Andin Rashica arritën epërsi katërpikëshe në fund të çerekut të parë të lojës. 

Mirëpo, epërsia e RTV 21 me kohë shkrihej, derisa në pjesën e dytë Besa kalon në avantazh të lehtë, të cilën e çon deri në fund dhe arrin fitoren me rezultat të ngushtë në fund. 

Kjo ishte fitorja e gjashtë e Besës në Superligë, derisa basketbollisti më i dalluar i takimit ka qenë veterani që ka bërë karrierë vite më parë në Real Madrid, Venson Hamilton, që ka shënuar 25 pikë dhe 25 kërcime marramendëse (statistika zyrtare në FBK). Përveç tij edhe Arti Hajdari u dallua me 20 pikë të shënuara, që kanë qenë lojtarët më efikas të ndeshjes për pejanët. 

Në anën tjetër te RTV 21, ish lojtari i Kastriotit, Mustafë Merovci ka pasur paraqitje fenomenale duke shënuar 34 pikë prej të cilave 5 treshe. 

Për Besën sonte ka debutuar edhe ish lojtari i Bashkimit, i talentuari Altin Morina, duke luajtur mbi 15 minuta dhe duke shënuar 2 pikë e 2 asistime. 

Me këtë fitore, Besa ka dalë në epërsi ndaj RTV 21 në përballje direkte 2-1. 

Rezultatet dhe tabela aktuale.

Statistikat ekipore

	BESA	RTV 21
Çereku i parë	15	19
Çereku i dytë	21	18
Çereku i tretë	22	18
Çereku i katërt	17	18
Kërcime	39	23
Asistime	14	7
Bllokada	5	1
Tentime për tre pikë	4/24	9/27
Tentime për dy pikë	23/43	19/39
Tentime nga gjuajtjet e lira	17/23	8/14

Statistikat individuale te Besa

1	Venson Hamilton	25 pikë	25 kërcime	5 bllokada
2	Arti Hajdari	20 pikë	2 kërcime	2 asistime
3	Arian Qallaku	17 pikë	3 kërcime	2 asistime
4	Bojan Sormaz	6 pikë	5 asistime	2 kërcime
5	Sami Hajzeraj	5 pikë
6	Altin Morina	2 pikë	3 kërcime	3 asistime

Statistikat individuale te RTV 21

1	Mustafë Merovci	34 pikë	4 kërcime
2	Jenirro Bush	13 pikë	4 kërcime
3	Stiven Pickens	12 pikë	2 kërcime	1 asistim
4	Horace Blue	10 pikë	4 kërcime	1 bllokadë
5	Albatrit Berisha	3 pikë
6	Leonard Mekaj	1 pikë	4 asistime