EKSKLUZIVE
Marin Dokuzovski trajner i Prishtinës
23 February, 2014 @11:33
Trajneri i ri i Sigal Prishtinës edhe zyrtarisht është maqedonasi Marin Dokuzovski, njofton faqja zyrtare e klubit.
Vetëm një ditë pas dorëheqjes së turkut Ceyhun Cabadak, klubi bardhekaltër menjëherë ka angazhuar një trajner tjetër.
Dokuzovski është njëri prej trajnerëve më të suksesshëm të basketbollit maqedonas. Ai me vite ka udhëhequr ekipin Rabotnicki, duke e bërë atë shtatë herë kampion në Maqedoni, si dhe me ekipin Lukoil Academic është bërë tre herë kampion i Bullgarisë.
Trajneri 54 vjeçar po ashtu ka drejtuar edhe përfaqësuesen e Maqedonisë, ku suksesin më të madh e ka arritur në vitin 2011 duke e fituar vendin e katërt në Eurobasket të vitit 2011.
