Besiktas zyrtarizon Kandemirin

Ditë më parë klubi i Sigal Prishtinës kishte njoftuar për zyrtarizim të marrëveshjes me Ahmet Kandemirin. 

Mirëpo, sot të njejtën gjë e ka bërë edhe skuadra turke e Besiktasit dhe atë në web faqen e saj. 

“Pasi që me trajnerin e stinorit të kaluar Erman Kunter, kemi arritur marrëveshje për tre stinorët e ardhshëm si drejtor sportiv, klubi i meshkujve të Besiktasit do të udhëhiqet nga trajneri Ahmet Kandemir, me të cilin kemi nënshkruar gjithashtu kontratë tre vjeçare,” shkruan në postimin e sotshëm të klubit bardhë-e-zi nga Stambolli. 

Ahmet Kandemir kishte arritur në parim marrëveshje me Sigal Prishtinën, mirëpo ai ka pasur të drejtë ta anulojë atë në momentin që e thërret Besiktasi, që është skuadra e tij e zemrës. 

Kandemir, që erdhi në muajin mars në Prishtinë dhe e udhëhoqi ekipin drejt trofeut të Kupës së Kosovës, i ka premtuar Besiktasit ngritje të nivelit të basketbollit dhe rivalitet me kundërshtarët e mëdhenjë si Galatasaray dhe Fenerbahce në basketboll. 

Sigal Prishtina tash sipas të gjitha gjasave do të duhet të kërkojë një trajner tjetër.