SIGAL PRISHTINA
BOROZANI/Erdis Driza
Besojmë te fitorja
10 November, 2015 @9:24
Basketbollistët e Sigal Prishtinës tashmë janë të akomoduar në Qipro dhe janë duke u koncentruar për ndeshjen e radhës në kuadër të FIBA Europe Cup.
Sonte, ata luajnë ndaj AEK Larnacas, që ende nuk ka regjistruar fitore dhe pikërisht për këtë arsye, kujdesi është i shtuar te ekipi bardhekaltër.
“Pres një ndeshje shumë të vështirë përballë një ekipi shumë të mirë dhe me përvojë. AEK pas dy humbjeve kërkon rastin ndaj nesh. Por, ne jemi të motivuar pas fitores ndaj Astanës. Besoj se do të arrijmë fitore edhe pse nuk do të jetë aspak lehtë,” ka thënë Dardan Berisha për faqen zyrtare të FBK-së, para përballjes që e zhvillon Prishtina sonte.
Sigal Prishtina deri më tani ka bilanc 1 fitore e 1 humbje në grup, derisa AEK ka dy humbje.
Takimi zhvillohet sonte me fillim në ora 18 me kohën tonë.
TABELA AKTUALE E GRUPIT K:
| 1 | Energia RUM | 2 ndeshje | 4 pikë | |
| 2 | Sigal Prishtina KOS | 2 ndeshje | 3 pikë | |
| 3 | Astana KAZ | 2 ndeshje | 3 pikë | |
| 4 | AEK Larnaca QIP | 2 ndeshje | 2 pikë |
