Stërvitje para duelit të nxehtë

Basketbollistët e Sigal Prishtinës kanë kryer stërvitjet e fundit sonte para duelit të nesërm ndaj ekipit qipriot AEK Larnaca. 

Sigal Prishtina që ka shënuar fitore në përballjen e fundit në Europe Cup ndaj Astanas, tashmë kërkon edhe fitoren e dytë në Grupin K, derisa AEK-u qipriot ka dy disfata nga dy përballjet e para të grupit. 

Ndeshja zhvillohet nesër mbrëma me fillim në ora 18:00 dhe do të transmetohet drejtpërdrejtë nga Supersport. 

Sigal Prishtina ka bilanc 1-1 në këtë grup, derisa AEK 0-2. 

Në përballjen tjetër të grupit, Energia rumune që ka dy fitore nga dy ndeshjet e para pret Astanan e Kazakistanit.