Pa trajner, pa humbje

Trajneri kryesor i Golden State Warriorsit Steve Kerr po mungon, por skuadra e vetë po vazhdon të radhis fitoret.

Për shkak të arsyeve shëndetësore, Kerr, nuk po mundet të jetë në krye të skuadrës, derisa rolin e tij përkohësisht po e bënë ndihmësi Luke Walton, i cili në 7 ndeshjet e zhvilluara, nuk e shijoi humbjen.

Golden State e mposhti Sacramento Kingsin me rezultat 103-94, në Sleep Train Arena të Sacramentos.  

TABELA AKTUALE

Stephen Curry e filloi ndeshjen duke mos qenë i saktë në tentime, por me këndelljen e tij ai u bë përsëri njeriu që i solli fitoren skuadrës, duke i shënuar 24 pikë, 6 kërcime e 3 asistime.

Në anën tjetër, 22 pikët e Marco Belinellit dhe Rudy Gayit, nuk mjaftuan për fitore të Kingsave.