Bindshëm, për 1-0 në seri

Skuadrës së Prishtinës i ka takuar ndeshja e parë e serisë gjysmëfinale ndërmjet kryeqytetasve dhe skuadrës së Bashkimit, kampionit në fuqi të Kosovës.

Prishtinasit e dominuan këtë takim që nga fillimi e deri në fund dhe dilemë për fituesin nuk kishte asnjë moment, derisa ndeshja u mbyll me rezultatin përfundimtar 111-74.

Çereku i parë i ndeshjes u mbyll 30-16, pjesa e parë u mbyll me rezultat 53-33, çereku i tretë 86-54, rezultate këto që tregojnë dominimin e vazhdueshëm të Prishtinës përgjatë gjithë ndeshjes.

SKEMA E PLAY OFF-IT

Më i dalluari në këtë fitore të Prishtinës ishte i zakonshmi Dardan Berisha me 24 pikë, 5 kërcime e 6 asistime, derisa te Bashkimi sonte për t’u përmendur është Lamar Wofford, i cili luajti me 21 pikë, 9 kërcime e 2 asistime.

Prishtina tashmë ka epërsi 1-0 në seri pas ndeshjes së parë, ndërsa pasi që seria gjysmëfinale zhvillohet në sistemin 2-2-1, edhe ndeshja e dytë e serisë luhet në kryeqytet. Siç dihet, përparësia e terrenit i takon skuadrës që ka përfundar më lartë në tabelë në sezonin e rregullt, pra në këtë rast Prishtinës.