Borea ia thellon krizën Trepçës

Skuadra e Trepçës vazhdon të mbetet skuadra e vetme pa fitore në Superligë. Dikur kampionja e Kosovës, ka regjistruar sonte humbjen e pestë rresht, duke u mposhtur nga skuadra pejane, Borea, me rezultat 77-71.

Ndeshja kishte rivalitet të madh ndërmjet dy skuadrave, duke qenë rezultati gjithmonë i ngushtë, por në momentet më vendimtare, vendasit u treguan më të vëmendshëm për t’iu gëzuar në fund fitores.

TABELA AKTUALE

Pesë basketbollistë të Boreas në këtë ndeshje shënuan pikë dyshifrore, ndërsa koshashënuesi më i mirë ishte amerikani Patrick Wrencher, i cili shkëlqeu me 20 pikë. Në anën tjetër, Mark Dorris i Trepçës luajti me 21 pikë e 10 kërcime.

Në xhiron e ardhshme Trepça e pret në shtëpi skuadrën e Prizrenit, kurse Borea e pret skuadrën tjetër prizrenase, Bashkimin.