Bujar Loci në krye të Pejës

Skuadra e Pejës në vazhdim të kampionatit do të udhëhiqet nga Bujar Loci.

Ndihmëstrajneri i deritashëm i pejanëve, sot është emërtuar si ushtrues detyre të trajnerit nga bordi i klubit, njofton faqja zyrtare e Pejës.

Ai do të ndihmohet nga basketbollisti me përvojë, Fred House, i cili ka pranuar të jetë ndihmësi i Locit për arritjen e objektivave të klubit për këtë stinor.

Bujar Loci edhe më parë ka qenë kryetrajner i Pejës, ndërsa këtë stinor ka ushtruar detyrën e ndihmëstrajnerit të trajnerëve të larguar, Danijel Lutz dhe Boban Savovic.

Peja nën drejtimin e Locit këtë stinor për herë të parë do të paraqitet të shtunën në gjysmëfinale të IPKO Kupës.