Bullgaria U20 përsëri më e mirë se Kosova U20

Reprezentacioni U20 i Kosovës në basketboll ka pësuar edhe në ndeshjen e dytë me Bullgarinë, të zhvilluar në Pallatin e Rinisë në Prishtinë.

Në këtë ndeshje basketbollistët tanë patën start më të mirë se në ndeshjen e kaluar dhe ishin në epërsi në çerekun e parë, mirëpo, në dhjetëminutëshin e dytë bullgarët e kthyen rezultatin ndonëse asnjëri ekip nuk kishte epërsi më të madhe se pesë pikë.

Çereku i tretë i ndeshjes ishte i barabartë dhe në dhjetëminutëshin e fundit bullgarët hynë me epërsi 50:45

Pikërisht në këtë dhjetëminutësh, bullgaria shënoi 22 pikë, kurse Kosova vetëm 8 dhe ekipi mysafir arriti fitore, në letër bindëse, me rezultat 72:53.