SUPERLIGA
Foto: KB Peja/ Facebook
Burwell aktivizon “snajperin”, Peja e pamposhtur në vjeshtë
18 December, 2015 @17:35
Ndeshja e fundit e pjesës vjeshtore të kampionatit të Superligës, ndërmjet Trepçës dhe Pejës, ka përfunduar e fitore të pritur të pejanëve.
Ndeshja filloi me pikët e qendrës së Pejës, Nenad Delic, ndërsa më pas Valdrin Haxhiu me trepikësh e kaloi Trepçën në epërsi 3-2. Që nga ky moment, minatorët vazhdimisht ishin në epërsi gjatë pjesës së parë, duke krijuar madje edhe dallim prej 10 pikëve (32-22).
Deri në fund të pjesës së parë, sidomos falë trepikëshave të Kevin Burwell, Peja arriti ta ngushtojë disavantazhin deri në -1 pikë (47-46), për të shkuar më e motivuar në zhveshtore për pushim.
Me të filluar çereku i tretë, filloi edhe dominimi i plotë i Pejës. Verdhezinjtë krijuan seri të shpejtë, dhe e morrën kontrollin e lojës, për ta pritur në qetësi periudhën e fundit, pasi u krijua epërsia prej 22 pikëve (61-83).
Në fund, Trepça nuk arriti të bëjë diçka më shumë dhe takimi përfundoi me rezultat 86-113.
Dhjetë treshe nga Burwell!
Kevin Burwell ishte më i miri te pala fituese, duke shkëlqyer me 34 pikë, prej tyre 10 trepikëshe nga gjithsej 13 tentime sa i kishte, kurse në anën tjetër Artin Gashi me 37 pikë ishte i pamjaftueshëm për mitrovicasit që të bëjnë diç më shumë.
Peja me këtë fitore shpallet kampione vjeshtore pa pësuar asnjë humbje, ndërsa Trepça e cila vazhdon të mbetet në pozitën e katërt, tani ka 6 fitore dhe 6 humbje.
Statistikat ekipore
| TREPÇA | PEJA | ||
| Çereku i parë | 25 | 20 | |
| Çereku i dytë | 22 | 26 | |
| Çereku i tretë | 14 | 37 | |
| Çereku i katërt | 25 | 30 | |
| Kërcime | 32 | 38 | |
| Asistime | 23 | 25 | |
| Bllokada | 0 | 3 | |
| Topa të vjedhur | 5 | 6 | |
| Topa të humbur | 20 | 14 | |
| Tentime për tre pikë | 9/25 (36%) | 15/32 (46%) | |
| Tentime për dy pikë | 22/40 (55%) | 27/46 (58%) | |
| Gjuajtje të lira | 15/19 (78%) | 14/21 (66%) |
Statistikat individuale te Trepça
| 1 | Artin Gashi | 37 pikë | 5 kërcime | - |
| 2 | Besnik Azemi | 12 pikë | 9 kërcime | 2 asistime |
| 3 | Korab Prekazi | 12 pikë | 8 kërcime | 6 asistime |
| 4 | Valdrin Haxhiu | 11 pikë | 4 kërcime | 5 asistime |
| 5 | Petar Zivkovic | 5 pikë | 1 kërcim | 3 asistime |
| 6 | Arian Tahiri | 4 pikë | 1 kërcim | 4 asistime |
| 7 | Musab Malaj | 3 pikë | 1 kërcim | 2 asistime |
| 8 | Agon Selmani | 2 pikë | 1 kërcim | - |
Statistikat individuale te Peja
| 1 | Kevin Burwell | 34 pikë | 3 kërcime | 4 asistime |
| 2 | Drilon Hajrizi | 21 pikë | 10 kërcime | 5 asistime |
| 3 | Ronald Boo Davis | 19 pikë | 3 kërcime | 5 asistime |
| 4 | Nenad Delic | 15 pikë | 4 kërcime | 1 asistim |
| 5 | Samir Zekiqi | 8 pikë | 2 kërcime | - |
| 6 | Sam Muldrow | 5 pikë | 1 kërcim | - |
| 7 | Arti Hajdari | 5 pikë | 3 kërcime | 2 asistime |
| 8 | Leonard Mekaj | 2 pikë | 4 asistime | - |
| 9 | Rron Grapci | 2 pikë | 3 kërcime | 3 asistime |
| 10 | Burim Zekiqi | 2 pikë | - | - |
| 11 | Mirza Muric | 0 pikë | 2 kërcime | 1 bllokadë |
| 12 | Alban Veseli | 0 pikë | 1 kërcim | 1 asistim |
