Bussey, lojtari i javës

Bashkimi debutoi në BIBL, sikurse edhe vetë amerikani Theron Bussey. Ndërsa performanca e këtij të fundit ndaj Pejës në debutimin e Bashkimit në BIBL ia solli atij edhe epitetin e lojtarit më të mirë të javës sipas faqes zyrtare të ligës ballkanike. 

Bussey në fitore ndaj Pejës ishte shumë afër triple-double’it, duke shënuar 19 pikë, 9 kërcime dhe 9 asistime. 

Organizatori i portokallezinjëve ka pasur edhe tre topa të vjedhur, derisa shuti për dy pikë i ka shkuar në 4 shënime nga 6 tentime, e gjuajtjet e lira, 8 të sakta nga 9 tentime.