ITALIANI NUK NËNSHKRUAN
Marco Calvani (53 vj.)
Calvani refuzon Sigal Prishtinën
19 January, 2017 @10:17
Trajneri i mirënjohur italian, Marco Calvani, duket se ka refuzuar bashkëpunimin me Sigal Prishtinën.
Së paku, kështu ka bërë të ditur Koha Ditore sot, që ka kuptuar se trajneri italian me përvojë përkundër se parimisht ka qenë i dakorduar me ofertën nga ekipi bardhekaltër, pas vizitës së tij në vendin e ngjarjes (ka qëndruar disa ditë në Kosovë dhe ka shikuar nga afër ekipin dhe punën), ka vendosur që ‘për shkak të kushteve (infrastruktura)’ të mos nënshkruajë kontratën.
Sigal Prishtina deri më tani ka ndërruar 2 trajnerë këtë stinor. Ekipi aktualisht udhëhiqet nga ndihmësi i parë, Andin Rashica. Sigal Prishtina nisi stinorin me malazezin Petar Mijovic, ndërsa pas tij emëroi kroatin Jeronimo Sharin.
