BILBAO - MADRID
Casemiro vendimtar, Reali fiton në ‘San Mames’
18 March, 2017 @18:06
Në një nga transfertat më të vështira të sezonit në La Liga, Real Madridi ka shënuar një fitore tejet të rëndësishme në luftën për titull.
Takimi kaloi me raste për shënim nga të dyja anët, ndërsa goli i epërsisë për madrilenët u shënua nga francezi Karim Benzema pas një asistimi shumë të mirë nga Cristiano Ronaldo. Rastet vazhduan edhe më tutje mirëpo pjesa e parë u mbyll me vetëm një gol të shënuar, 0-1.
Në pjesën e dytë të parët golin e gjetën vendasit me 36-vjeçarin Aduriz, derisa për fitoren e madrilenëve u përkujdes Casemiro, i cili e shënoi golin e dytë për skuadrën e tij dhe takimi u mbyll me shifrat 1-2.
Kjo fitore bën që Reali të ketë 5 pikë më shumë se Barcelona e vendit të dytë.
