WBA - ARSENAL
Arsenali mposhtet, Wengeri ‘në shenjestër’
18 March, 2017 @15:19
Vazhdon dëshpërimi te skuadra e Arsenalit.
Një ndeshje që filloi me thirrje dhe shkrime për largimin e Arsene Wengerit, u mbyll me humbje, duke i komplikuar edhe më tepër gjërat te skuadra londineze.
Goli i parë i takimit u shënua nga qendërmbrojtësi Dawson me kokë, mirëpo barazimi i Arsenalit erdhi shumë shpejt, me kilianin Alexis Sanchez që shënoi pas një asistimi të bukur nga Granit Xhaka dhe pjesa e parë u mbyll 1-1.
Kur u mendua se Arsenali do ta gjente fitoren në pjesën e dytë, ndodhi krejtësisht e kundërta. Ishin vendasit e WBA-së që e gjetën edhe dy herë golin dhe e mposhtën Arsenalin, duke ia komplikuar edhe më tepër këtij të fundit punët në luftën për top4.
Përveç Xhakës, për 90 minuta në këtë takim luajti edhe Shkodran Mustafi.
