WIZARDS - CAVALIERS
nba.com
Cavs në krahë të Jamesit, nata e rekordeve për ‘king’un
4 November, 2017 @9:07
Si u pa, seria prej 4 humbjeve rresht te Clevelandi, bëri që super ylli LeBron James, të merr timonin e skuadrës.
Cleveland sot në mëngjes luajti kundër Washington Wizardsit në “Capital One Arena”, derisa gjatë gjithë ndeshjes me lojën fenomenale të Jamesit, e mposhti kundërshtarin me rezultat 130-122.
LeBron James, në këtë ndeshje shpërtheu me 57 pikë, derisa hyri në histori të NBA-së, duke u bërë lojtari i shtatë që e arriti shifrën e 29 mijë pikëve në karrierë.
Përveç Jamesit u dallua edhe Derrick Rose, që luajti me 20 pikë.
Në anën tjetër, te magjistarët performanca 36 pikëshe Bradley Bealit nuk qe e mjaftueshme për fitoren e skuadrës së tij.
Nënkampioni Cleveland, e regjistroi fitoren e katërt, krahas pesë humbjeve që i ka, dhe gjendet në pozitën e dhjetë në Konferencën Lindore.
