BASHKIMI - PEJA
Çereku i tretë vendosi derbin, Peja mposhtë Bashkimin
13 March, 2022 @18:42
Dardan Berisha ka shënuar 23 pikë, ndërsa Calvin Godfray ka startuar karrierën te Peja me double-double prej 13 pikëve e 11 kërcimeve, derisa verdhezinjtë kanë shënuar fitore të rëndësishme ndaj Bashkimit në Prizren sot, 61-76 [20-18, 19-20, 7-25, 15-13].
Gjatë gjithë kohës ndeshja ka qenë thuajse e barabartë, derisa dallimi kryesor u bë në çerekun e tretë të ndeshjes, kur Peja ndali Bashkimin në shtatë pikë! (7-25).
Kjo bëri që ata të hynë qetë në 10-minutëshin e fundit të ndeshjes dhe kështu marshuan lehtë drejt fitores së radhës për ta në Superligë.
Te Peja, pos Daniel Lekndreajt që pushoi 5 minuta në ndeshje, asnjë lojtar i pesëshes së parë s’ka pushuar për asnjë minutë!
Te Bashkimi 18 pikët e Valon Bunjakut dhe double-double i John Florveus prej 13 pikëve dhe 11 kërcimeve nuk mjafuan për të befasuar pejanët.
Te Bashkimi debutoi edhe përforcimi i ri i skuadrës, Terrence Thompson, që luajti 12 minuta dhe shënoi 5 pikë.
Pas kësaj ndeshjeje Bashkimi ka bilanc 9-13 ndërsa Peja 14-7.
