Chemnitz i fortë për Pejën

Peja ka pësuar humbje nga Niners Chemnitz me rezultat 63:99 (12:23, 13:28, 22:30, 16:18), në ndeshjen e katërt të grupeve në FIBA Europe Cup.

Verdhezinjtë kanë dy fitore e dy humbje, kurse gjermanët katër fitore në katër ndeshje.

Skuadra gjermane ishte më e mirë nga fillimi deri në fund. Dallimi i madh u bë në pjesën e parë, ku çerekun e parë e fituan 12:23 dhe të dytin 13:28, ndërsa e dyta ishte paksa më e baraspeshuar, por që gjithsesi u kontrollua nga mysafirët.

Nga 14 pikë për Pejën shënuan Urald King, Justin Davis, Arian Qallaku, ndërsa Jay Jay Chandler 13.

Sfidën e radhës, Peja do ta ketë kundër Heores Den Bosch në udhëtim më 15 nëntor.