Çka u vendos në mbledhje?

Bojkoti i shoqatës së gjyqtarëve është vlerësuar si i panevojsëm dhe si një gjë e cila e dëmton imazhin e basketbollit kosovar, thuhet në komunikatën nga FBK-ja pas mbledhjes së sotshme.

Shoqata e gjyqtarëve kishte vendosur të bëjë bojkot në fundjavën që e lëmë pas, për shkak të sjelljeve të papranueshme nga anëtari i FBK-së, Alban Lumi, i cili kishte tentuar të manipulojë me matësin e kohës gjatë ndeshjes Sigkos Bashkimi - RTV 21.

Alban Lumit, Bordi i FBK-së ka vendosur që t’i hapet procedurë disciplinore dhe t’i pushohet mandati i anëtarit të Bordit deri në marrje të vendimit nga ana e Komisionit Disiplinor të FBK-së.

Vëllaznimit i lejohen huazimet

Përveç tjerash, në mbledhjen e sotshme është marrë vendim që KB Vëllaznimi të ketë mundësi për huazim të lojtarëve nga klubet tjera, pas kërkesës dhe njoftimit të kryetrajnerit, Pal Syla, mbi gjendjen e rëndë në klub dhe mungesës së lojtarëve, me ç‘rast mund të rrezikohej edhe vazhimi i pjesëmarrjes në gara.

Në fund, FBK ka vendosur unanimisht që ‘final four-i’ i Kupës së Kosovës të mbahet në Prizren, nën organizimin e Sigkos Bashkimit, derisa xhiroja e radhës (23) në BKT Superligë do të zhvillohet këtë mesjavë, përkatësisht të mërkurën dhe të enjtën.

Tabela aktuale në BKT Superligë.

Çiftet e xhiros së radhës në BKT Superligë, që do të luhen në mesjavë