PRIZRENI - YLLI
Cole senzacional, Prizreni befason Yllin
14 October, 2018 @18:42
Skuadra e Prizrenit falë performancës së jashtëzakonshme të organizatorit shtatshkurtër amerikan, Elliott Cole, ka shënuar fitore tepër të rëndësishme ndaj Yllit në Sezai Surroi sonte.
Prizreni ka shënuar fitoren e tretë të stinorit, ndërsa Ylli ka pësuar humbjen e dytë të këtij edicioni, e Cole ka përfunduar ndeshjen me rekord pikë të shënuara për këtë stinor, 42 pikë.
Cole nuk ka pushuar për asnjë minutë gjatë ndeshjes, ndërsa ka qenë edhe motor i skuadrës në luftë për kthim në lojë dhe në fund rezultoi me fitore, 89-77.
Cole ka shutuar 16/10 për tre pikë, ndërsa ka shërbyer shokët edhe me 6 asistime e 3 kërcime në ndeshje. Brandon Scott shënoi 28, ndërsa Urim Zenelaj 10 pikë tjera në këtë fitore të ekipit të drejtuar nga Arbnor Rifati.
Te Ylli, që mbeti duarthatë në fund, me të dalluarit ishin Artin Gashi dhe Robert Jones III me nga 16 pikë të shënuara secili.
