KERASAN PRISHTINA - VUSHTRRIA
Donat Rexhepi 35 pikë, Kerasan e nis me fitore
13 October, 2018 @22:40
Skuadra e Kerasan Prishtinës ka nisur me fitore stinorin e ri të Ligës së Parë duke e mposhtur si vendase sot ekipin e Vushtrrisë me 16 pikë dallim.
Donat Rexhepi ka qenë i shkëlqyeshëm në këtë ndeshje duke shënuar 35 pikë në 40 minuta sa ishte në lojë, ndërsa ka kontribuuar edhe me 10 kërcime.
Fitorja prej 82-66 ka qenë e para në xhiron e parë të stinorit për ekipin e drejtuar nga Dritëro Sefaja, ndërsa përveç Rexhepit, janë dalluar edhe Liron Hyseni me 17 dhe Almir Berisha me 15 pikë të shënuara.
Te mysafirët më i dalluari në ndeshje ka qenë Mendrit Ademi, që ka shënuar 17 pikë. Përveç tij, vetëm edhe Baton Dervishi ka arritur të shënojë pikë dyshifrore, duke shtuar 11 sosh për ekipin e drejtuar nga trajneri A. Morina.
Vushtrria xhiron që vjen pret Penzën, ndërsa Kerasani është mysafir në Gjakovë, ndaj Vëllaznimit.
