VËLLAZNIMI - UNITED BASKETBALL
BOROZANI / A.P
Vëllaznimi thellë ndaj United Basketball
13 October, 2018 @22:05
Në takimin e parë të sezonit të ri të Ligës së Parë të Kosovës në basketboll, skuadra e Vëllaznimit ka shënuar fitore të thellë ndaj skuadrës së United Basketball.
Skuadra gjakovare e drejtuar nga Shkumbin Kumonva ndeshjen e mbylli me rezultat të thellë 118-52, për të treguar se është një nga kandidatët kryesorë për ngjitje në Superligë.
Paraqitje fenomenale për gjakovarët sonte patën Atik Koshi (38 pikë, 6 kërcime, 11 asistime) dhe Robert Claypool (30 pikë, 5 kërcime e 8 asistime), kurse te United Basketball u veçua Laurant Ibrahimi (17 pikë, 4 kërcime, 2 asistime).
Xhiron e ardhshme, Vëllaznimi e pret Kerasan Prishtinën, kurse United Basketball Dritën.
