PARA NDESHJES
Constantinides beson në fitore
2 February, 2016 @21:24
Sigal Prishtina nesër do ta fillojë fazën e dytë të Ligës Ballkanike me ndeshjen kundër Kozuvit, që do të zhvillohet në qytetin e Gjevgjelisë, në Maqedoni.
Lidhur me këtë ndeshje, ka folur trajneri i bardhekaltërve, Antonis Constantinides, i cili është shprehur optimist për fitore.
“Ndeshja ndaj Kozuvit është shumë e rëndësishme për ne, pasi që nëse e fitojmë këtë ndeshje dhe ato që i kemi në shtëpi, do të jemi në gjysmëfinale dhe ndoshta do të jemi në vendin e parë. Është një ndeshje e vështirë, por besoj se do t’ia dalim me sukses,” ka thënë strategu qipriot për faqen zyrtare të FBK-së.
Ndeshja ndërmjet Kozuvit dhe Sigal Prishtinës do të fillojë nga ora 18:00.
