BAMBERG vs CSKA
CSKA me vështirësi e mposht Bambergun
1 December, 2016 @23:05
Kampioni aktual i Euroleagues, CSKA Moska, me siguri nuk ka planifikuar që do ta përjetojë një ndeshje të tillë kundër Brose Bamberg.
Shënimi i Vitaly Fridzonit në sekondat e fundit, ia solli fitoren CSKA-së, me rezultat të ngushtë 90-88.
Milos Teodosic, shkëlqeu me 31 pikë e 8 asistime, i cili u ndihmua edhe nga Andrey Vorontsevich me 15 pikë të tjera dhe këta të dytë ishin të vetmit me pikë dyshifrore te kampioni.
Në anën tjetër, 26 pikët e Nicolo Mellit, nuk mjaftuan për fitore.
CSKA e regjistroi fitoren e nëntë, derisa ka vetëm një humbje deri më tani.
