DALI
Dardan Berisha: Dua të qëndroj në Poloni
27 January, 2017 @17:16
Basketbollisti më i mirë kosovar, Dardan Berisha, tashmë po bëhet një javë që ka mbetur pa ekip, pas largimit nga skuadra polake, Polfarmex Kutno.
Ai në një intervistë për mediat polake, ka sqaruar situatën nga e cila po kalon.
“Dua ta përfundojë stinorin në Poloni. Shpresoj që do të nënshkruaj një kontratë dhe do të luftojë për synime të mëdha,” ka thënë Berisha në intervistën për WP SportoweFakty.
Berisha, më tej, ka shtuar se ka kontakte edhe me ekipe nga Kosova, megjithëse nuk mendon që të kthehet në Kosovë.
“Klubet nga Kosova më kanë kontaktuar. Atje gjithmonë i kam dyert e hapura, mirëpo për momentin nuk dua të kthehem në Kosovë,” ka thënë ai.
Ndërkohë, e përditshmja italiane, Il Resto del Carlino, ka shkruar se për Berishën interesim ka shprehur skuadra nga Serie A e Italisë, Vuelle Pesaro.
