ARMENIA U16 - KOSOVA U16
FOTO / FIBA
Kosova U16 dominon plotësisht kundër Armenisë U16
10 July, 2024 @22:29
Me një lojë dominuese, Kosova U16 pa telashe e mposhti Armeninë U16 me rezutat 60-88.
Kosova U16 asnjëhere nuk e lëshoi epërsinë kundërshtarit dhe kështu arriti një fitore të lehtë përsëri.
Yll Kastrati me 15 pikë, 7 kërcime e 6 asistime (21 minuta e 53 sekonda), ishte më i dalluari te Kosova, kurse u ndihmua edhe nga Besim Bytyqi me 14 pikë e 5 kërcime (16 minuta e 56 sekonda).
Gjithashtu me pikë dyshifrore luajtën edhe Fis Jashari e Adhurim Bojku me nga 10 pikë secili.
Kosova në Grupin B gjendet në krye të tabelës me 2 fitore e 0 humbje, derisa ndeshja e fundit e grupeve do të luhet nesër nga ora 17:00 kundër San Marinos.