E PARA JASHTË ANGLISË
Fotot: uefa.com
Anglia në finalen e dytë me radhë, zëvendësuesi Watkins përmbys Holandën
10 July, 2024 @22:57
Gareth Southgate përsëri ka bërë lëvizjen e madhe. Nxorri Harry Kane për të futur në sulm të ekipit Ollie Watkins, që me një goditje precize nën këmbët e De Vrijit të pakalueshëm gjatë natës, gjeti këndin e largët krejtësisht në çoshe për t’ia dhënë fitoren Anglisë në gjysmëfinalen e dytë të EURO 2024 dhe t’ia sigurojë fitoren ekipit në minutën e fundit të ndeshjes, Holanda - Anglia 1-2 [Simons 7’ - Kane 18’pen., Watkins 90’+1].
Kjo është hera e parë që Anglia arrin një finale të EUROs apo të Botërorit jashtë vendit të tyre! Anglia shkon në finalen e 14 korrikut në Olympiastadion të Berlinit.
Të dyja palët filluan pozitivisht, por ishte Holanda që mori avantazhin herët, me Declan Rice që humbi topin dhe Xavi Simons që gjuajti një gol të bukur, ndërsa ra, nga buza e zonës – megjithëse një portier me krahë më të gjatë se Jordan Pickford ndoshta do ta kishte bërë pritjen.
Megjithatë, Anglia u rikthye në lojë me Kobbie Mainoo dhe Phil Foden në krye. Pastaj, në minutën e 16-të, Harry Kane gjuajti një goditje të mirë, vetëm për t’u kapur nga Denzel Dumfries, duke bërë një përpjekje për të bllokuar, në ndjekjen e tij. Ai qëndroi poshtë dhe përfundimisht VAR u aktivizua, arbitri erdhi dhe vendosi të akordojë një penallti; Kane gjuajti topin në cepin e poshtëm të majtë për barazim.
Edhe pse Anglia dominoi pjesën e mbetur të pjesës së parë, Dumfries goditi me kokë në shtyllë me Pickford të mposhtur para se Foden të lëshonte një gjuajtje të harkuar të ngjashme me golin e Lamine Yamal për Spanjën mbrëmjen e kaluar, por përpjekja e tij, po aq e shkëlqyer, u përplas në këndin e portës.
Pjesa e dytë ishte një punë mjaft më e zymtë, Holanda duke mbytur Anglinë në mesfushë. Por Gareth Southgate ishte pozitiv dhe vendimtar me ndryshimet e tij dhe mori shpërblimin e tij kur Cole Palmer gjeti ëatkins, i cili bëri pikërisht atë që ishte sjellë për të bërë dhe dërgoi Anglinë në Berlin.
LOJTARI I NDESHJES NGA UEFA:
Shpjegimi i shkurtër: Ndikim i pabesueshëm
