KAPITENI I KOSOVËS
Dardani: Më shumë se fitore
3 August, 2017 @0:34
Kapiteni i ri i Kosovës, Dardan Berisha, ka qenë i jashtëzakonshëm sonte në përballjen e parë të fituar të reprezentacionit në kuadër të parakualifikimeve për Botërorin, Kina 2019.
Ai ka qenë koshashënuesi më i mirë i Kosovës, ndërsa përveç tjerash u ka dhënë forcë edhe bashkëlojtarëve me energjinë e tij në lojë.
“Unë jam shumë krenar që jam pjesë e kësaj që përjetuam që të gjithë sonte. Ka qenë një ëndërr për të gjithë ne që të luajmë në këtë nivel. Ne kemi qenë së bashku tash e një muaj dhe kjo është një arritur e madhe. Unë mund të them se kjo është më shumë se sa një fitore.
TABELA AKTUALE DHE ORARI I NDESHJEVE
Sidoqoftë ndeshja ishte mjaft e vështirë. Kjo edhe ishte arsyeja pse në çastet e fundit ne e përjetuam një rënie, por pjesa e parë, ku luajtëm shumë mirë, na ka motivuar dhe na kanë dhënë vullnet që këtë punë ta çojmë deri në fund.
Pjesa e dytë ishte mjaft e vështirë, por fitorja është më se merituar. Unë mendoj se do të vazhdojmë me fitore edhe në takimet e radhës.
E shfrytëzoj rastin t’i falenderoj të gjithë ata që besuan në ne, e posaçërish i falënderoj tifozët ‘Dardanët’, por edhe të gjithë ata që na përcollën në palestër dhe nëpërmjet televizorit. Jam shumë krenar me gjithë atë që treguam sot në parket”.
Dardani shënoi 28 pikë, regjistroi 6 kërcime dhe kreu 4 asistime në fitoren e Kosovës ndaj Maqedonisë.
