INJURY
Foto: nba.com
DeMarcus Cousins mbyll stinorin
27 January, 2018 @10:35
Ylli i New Orleans Pelicansit, DeMarcus Cousins, sot në mëngjes në ndeshjen kundër Houston Rocketsit, u lëndua dhe e mbylli stinorin.
Cousins, 8 sekonda para se të përfundonte ndeshja e lëndoi tetivën e akilit të këmbës së majtë, në një ndeshje ku po shkëlqente me triple-double prej 15 pikëve, 13 kërcimeve e 11 asistimeve.
Stafi mjekësor deklaroi se 27 vjeçari e mbylli stinorin, derisa do të zëvendësohet edhe në skuadrën e All-Starit që ishte zgjedhur ditë më parë.
DeMarcus Cousins luajti në 47 ndeshje për Pelicansin sivjet dhe arriti një mesatare prej 25.4 pikëve, 12.9 kërcimeve dhe 5.2 asistimeve për ndeshje deri më tani.
