EURO U-20 DIV B
Foto: FBK
Demolohemi nga Mali i Zi
11 July, 2015 @21:45
Kosova U-20 nuk ka arritur t’i bëj ballë aspak bashkëmoshatarëve nga Mali i Zi sonte në kuadër të Europianit U-20 Divizioni B.
Malazezët janë treguar arrë e fortë për Kosovën gjatë gjithë ndeshjes dhe përveç çerekut të tretë kur ekipi ynë luajti pak më mirë, në pjesët tjera të ndeshjes është vërejtur dominim i dukshëm i fqinjëve.
Leonard Mekaj, basketbollist i Sigal Prishtinës, ka qenë koshashënuesi më i mirë i ekipit tonë, duke shënuar 15 pikë në ndeshje dhe duke qenë lojtari i vetëm që ka shënuar pikë dyshifrore sonte te ekipi i Ilir Selmanit.
Në anën tjetër, malaziasit kanë provuar tërë skuadrën duke futur në lojë çdo lojtar, ku asnjëri nuk mbeti pa shënuar pikë. Ndër më të dalluarit te ata ishin, Mihailo Radunovic me 13, pastaj Milovan Draskovic me 12 dhe Petar Popovic me 11 pikë të shënuara.
Kjo është humbja e dytë me radhë e Kosovës në Europian, pas asaj fillestare nga Portugalia.
FAKT:
| Kosova ka pasur përqindje katastrofale të shutit, duke shënuar 36.7% të tentimeve, derisa Mali i Zi, 67.4% |
