FITORE E THELLË E RRUFESË
Dje fitore, sot poshtërim
24 December, 2015 @9:21
Los Angeles Lakers ka qenë rival i barabartë me Oklahoma City Thunderin deri në minutën e 20 të ndeshjes, më pas, kontrollin kanë marrë Kevin Durant e Russell Westbrook për t’i shkatërruar ish kampionët që po përjetojnë stinor dëshpërues.
‘Rrufeja’ goditi tërësisht në pjesë të dytë dhe fundi i ndeshjes gjeti Lakersin me disfatë 35 pikëshe nga Oklahoma.
Durant përfundoi ndeshjen me 21 pikë, 7 kërcime e 5 asistime, ndërsa Westbrook me 23 pikë, 8 kërcime e 8 asitime për të bërë bilancin e ekipit 20-9.
Te Lakers 19 pikët e Kobe Bryantit e 18 të tjerat të Dangelo Russellit ishin sa për statistikën e tyre personale, derisa ekipi ka bilanc tash 5-24.
