LIGA ENDESA
Foto: fcbarcelonabasket
Doellman e Barcelona, me fitore minimale
4 December, 2016 @23:04
Basketbollisti i përfaqësueses së Kosovës, Justin Doellman, ka shënuar 10 pikë, 4 kërcime e 2 asistime, në fitoren e ekipit të tij Barcelona ndaj Gran Canarias.
Ndeshja ka qenë tepër interesante dhe fituesi nuk dihej deri në fund, kur Barcelona shpëtoi me 79-78 nga turpërimi i mundshëm.
Stratos Perperoglou ka qenë më efikasi te Barcelona me 16 pikë të shënuara, ndërsa pas tij është renditur Ante Tomic me 12 pikë të tjera.
Te Gran Canaria Anzejs Pasecniks ka qenë më i dalluari me 18 pikë e 5 kërcime.
Barcelona tash ka bilanc 8-2 pas 10 xhirove të para, derisa Gran Canaria 5-6.
