Derbi në “Karagaç” sot

Dueli më interesant dhe ndeshja e cilësuar si derbi i xhiros së dhjet të Superligës, ndërmjet Pejës dhe Trepçës, zhvillohet sot prej orës 17 në “Karagaç”.

Derisa Peja ka një humbje të vetme në Superligë dhe sot do të has në vështirësi nën kosh në mungesë të të larguarit Salih Nuhanovic, verdhezinjtë dhe publiku presin që ekipi të këndellet edhe prej humbjes shokuese nga Tirana në BIBL.

TABELA AKTUALE E SUPERLIGËS

Në anën tjetër, Trepça, nuk ka shënuar asnjë fitore këtë stinor ndaj ekipeve të katërshes së epërme të tabelës, ku bën pjesë edhe vetë. Kurse pikërisht ndaj Pejës ka qenë më së afërmi të arrijë te fitorja këtë stinor, mirëpo, një treshe e sekondë së fundit nga Lamarcus Reed, ia kishte sjellë fitoren ekipit që po drejtohet nga Aleksandar Todorov.

Njashtu, kjo do të jetë përballja e parë ndërmjet Todorovit dhe Dimitris Papadopoulosit që është trajner i ri i mitrovicasve.