Zyrtare: Peja nënshkruan me Jamie Skeen

Peja ka arritur marrëveshje me lojtarin e pozitës qendër, Jamie Skeen, zyrtarizoi vetë klubi pak më parë.

28 vjeçari nga Amerika karrierën e filloi ne NCAA në ekipin Wake Forest në stinorët 2006-07 dhe 2007-08.
Stinorët 2009-10 dhe 2010-11 ishte pjesë e ekipës VCU në NCAA.

Në vitin 2012 ishte pjesë e NBA Pro Summer League në Las Vegas për Chicago Bulls ku luajti 5 ndeshje, pastaj kaloi në Premier Ligen e Izraelit te skuadra Maccabi Ashdod ku në 26 ndeshje të tij kishte një mesatare 11.5 pikë për ndeshje, 4.7 kërcime dhe 1 asistim.

Në vitin 2013 ishte përsëri pjesë e NBA Pro Summer League në Las Vegas për Charlotte Bobcats ku luajti 3 ndeshje me mesatare prej 7.7 pikë për ndeshje dhe 5.3 kërcime.

Në stinorin 2013-14 kaloi në Serie A të Italisë tek skuadra Sutor Montegranaro ku në 24 ndeshje kishte mesatare prej 11.1 pikë dhe 4.3 kërcime për ndeshje.

Stinorin 2014 e kaloi tek skuadra Caciques de Humacao në Puerto Rico, edhe në vitin 2014 Skeen ishte pjesë e NBA Summer League në Las Vegas për Charlote Hornets ku laujti 4 ndeshje me mesatare prej 3.5 pikë për ndeshje.

Stinorin 2014-15 ishte pjesë e Superligës Belge te skuadra Belfius Mons-Hainaut ku në 38 ndeshje kishte 9.4 pikë dhe 4 kërcime për ndeshje. Poashtu gjatë këtij stinori kishte rastin të luaj në EuroChallange 12 ndeshje me një mesatare 10.3 pikë dhe 3.7 kërcime për ndeshje.

Skeen arriti me ekipin e tij të ishte finalist i Ligës Belge ndërsa me ekipin izraelit arriti në gjysmëfinale të Kupës izraelite.