ALL STAR 2020
Doncic në All Star, caktohen pesëshet
24 January, 2020 @10:23
Janë caktuar pesëshet e para dhe kapitenët për ndeshjen më atraktive të stinorit në NBA, pra atë All Star.
Në konferencën Perëndimore duke mbledhur më së shumti vota, kapiteni i skuadrës është zgjedhur super ylli i Lakersave, LeBron James, derisa në Lindje kapiteni i skuadrës do të jetë Giannis Antetokounmpo.
Me Jamesin së bashku në pesëshen e parë do të jenë edhe: James Harden, Anthony Davis, Kawhi Leonard dhe Luka Doncic, derisa me Antetokounmpon: Kemba Walker, Joel Embiid, Trae Young dhe Pascal Siakam.
Për Luka Doncic, Trae Young dhe Pascal Siakam, do të jetë hera e parë që do të marrin pjesë në All Star.
Rezervistët e All Starit 2020 do të zgjedhen nga trajnerit, e këta emra do të publikohen më 30 janar.
Nga të gjithë rezervistët e zgjedhur nga trajnerët, dy kapitenët James dhe Giannis, do të zgjedhin lojtarët për t’i kompletuar skuadrat e tyre.
Ndeshja e All Starit 2020 do të luhet më 16 shkurt në Chicago.