Dorëhiqet Kuraja

Ish basketbollisti i klubit bardhekaltër, Edis Kuraja, që së fundi kryente detyrën e drejtorit sportiv te klubi i Prishtinës, ka dhënë dorëheqje nga posti i tij. 

Ai ka njoftuar mediat përmes një shkrimi që ka dërguar, duke bërë të ditura edhe arsyet e largimit të tij. 

“Pas 1 viti e 8 muajsh në këtë pozitë, klubi është në gjendje shumë të mirë (lider i Superligës, i dyti në Grupin D të Balkan League) dhe në rrugë të mirë për të fituar të gjithë trofetë ku garon. Arsyeja e dorëheqjes është obligimi familjar që kam, derisa falenderoj përzemërsisht klubin dhe tifozët për kohën e kaluar bashkë,” ka thënë Kuraja në letrën e tij. 

Kuraja vendimin e tij ia ka kumtuar edhe kryetarit të klubit, Blerand Stavileci, me të cilin ishte takuar mbrëmë vonë.