YLLI - TREPÇA
TOPSPORTI/ A.P
Dramë në Suharekë, Dwane Miner hero i natës!
15 November, 2018 @20:59
Ndeshja e cila shkoi ngushtë deri në sekondat e fundit të ndeshjes, përfundoi me fitoren e Trepçës ndaj Yllit me rezultat 79-80.
Artin Gashi me shënimet e tij në fund të çerekut të katërt, përkatësisht në 13 sekondat e fundit e kaloi Yllin në epërsi (79-77), por pas basketbollisti amerikan i Trepçës, Dwane Miner, me shënimin e tij nga vija e treshit, ia solli fitoren skuadrës së tij me rezultat 79-80.
Mark Dorris ishte koshashënuesi më i mirë te Trepça me 25 pikë, derisa u ndihmua edhe nga Samir Zekiqi me 20 dhe Dwane Miner me 19 pikë të tjera.
Te Ylli më i miri ishte Romelo Banks me 22 pikë e 10 kërcime.
Trepça me këtë fitore ngritet në pozitën e pestë me tri fitore e gjashtë humbje deri më tani, derisa kjo ishte humbja e katërt e Yllit pas nëntë xhirove.
