LAKERS - BLAZERS
FOTO/ nba.com
Nata hisorike për Jamesin, Lakersi në formë
15 November, 2018 @10:18
Skuadra e Los Angeles Lakersit, formën e tyre të mirë e vazhduan edhe kundër Portland Trail Blazersit.
Lakersat e mposhtën kundërshtarin me rezultat 126-117, derisa super ylli i skuadrës LeBron James kaloi një natë historike në Staples Center.
LeBron James ishte i pakapshëm me 44 pikë, 10 kërcime, 9 asistime, 3 bllokada dhe 1 top të vjedhur, derisa e kaloi edhe legjendën Wilt Chamberlain në listën e koshashënuesve më të mirë në histori të NBA-së.
Te Portlandi më i miri ishte Damian Lillard me 31 pikë, 11 asistime e 8 kërcime.
Kjo ishte fitorja e katërt rresht për Lakersat dhe e teta në total krahas gjashtë humbjeve që i kanë, ndërsa Portandi ka bilanc prej 10 fitoreve e 4 humbjeve në Konferencën Perëndimore.
