BASHKIMI - KOZUV
Bashkimi më në fund arrin fitoren
14 November, 2018 @20:59
Më në fund, ekipi nënkampion i BIBL, Bashkimi ka arritur të shënojë fitore në edicionin e ri të garave.
Bashkimi ka fituar ndaj Kozuvit sonte me 4 pikë dallim, 80-76. Kjo ka qenë fitorja e parë e Bashkimit këtë stinor në BIBL, që ka ardhur pas tre humbjeve radhazi, të gjitha si vendas.
Ndeshja ka qenë me plotë kthesa, ku Kozuvi ka udhëehequr në çerek të parë, pastaj Bashkimi ka rikthyer epërsinë në fund të pjesës së parë, e maqedonasit përsëri kanë dalë përpara në çerek të tretë. E krejt në fund, kur ishte më e rëndësishme, Bashkimi u kthye për fitore.
Jordan Capps ka qenë më efikasi te Bashkimi me 24 pikë të shënuara, ndërsa Mike Martin ka pasur double-double fantastik prej 13 pikëve, 11 asistimeve dhe 7 kërcimeve.
Njëjtë me double-double ndeshjen e kreu edhe Ujkan Karanezi, që shënoi 13 pikë e 10 kërcime, derisa Ergin Grosha shtoi 17 pikë në fitore.
Te Kozuv, më efikasi ka qenë Nikola Karakolev me 18 pikë, ndërsa me double-double te mysafirët ndeshjen e kreu Ivan Miskovic, 16 pikë e 10 kërcime.
Pas kësaj ndeshjeje Bashkimi ka bilanc 1-3 në BIBL, ndërsa Kozuvi 0-3.
