STEVEN HANEY
Haney i gëzuar që nisi me fitore
15 November, 2018 @11:41
Pas tre disfatave radhazi në këtë stinor në Ligën Ballkanike, përforcimi i ri i ekipit Steven Haney, në deklaratën e tij për faqen zyrtare të ligës ka bërë të ditur se fitorja ishte e mirë pas disfatave radhazi.
“Ishte një ndeshje shumë e mirë, pas humbjeve radhazi fitorja ishte shumë e mirseardhur për ne. Ishte një ndeshje që u kënaqëm dhe shumë afër sa i përket rezultatit, jam i kënaqur që fituam në fund”.
Haney ka qenë 27 minuta në parket, ku luajti me 8 pikë, 4 asistime e 2 kërcime për Bashkimin.
Bashkimi pas 4 xhirove të zhvilluara e regjistroi fitoren e parë të këtij edicioni në BIBL.
