Drita mposht Kastriotin

Drita ka shënuar edhe fitoren e dytë me radhë në Superligë sonte. Basketbollistët gjilanas të udhëhequr nga katërshja amerikane, ku u dallua Joe Mincey, kanë arritur që të regjistrojnë fitore mjaft të rëndësishme në palestrën Bill Clinton të Ferizajit, të parën si mysafir, me rezultat 83-95. 

Me këtë fitore Drita ka kaluar në vendin e katërt të tabelës dhe tani ka pesë pikë nga tre ndeshjet e para të këtij edicioni. 

Në anën Kastrioti, pas befasisë që i shkaktoi Trepçës si duket më nuk po i ndez. Ata kanë pasur rast ideal që të shënojnë edhe një fitore si vendas ndaj Dritës sonte, por ja që gjilanasit në fund dolën fitues me 12 pikë epërsi. 

Ekipi i Blerim Krasniqit, Kastrioti, renditet në pozitën e gjashtë pas xhiros së tretë në Superligë dhe do t’i shkon mysafir Bashkimit në Prizren xhiron e radhës, derisa Drita pret Trepçën e përforcuar në Gjilan.