2 DUELE INTERESANTE
Duelet interesante, mbyllin xhiron
27 November, 2016 @9:37
Dy duele tepër interesante pritet të përmbyllin sot xhiron e nëntë të Superligës në basketboll.
Në “Minatori” Trepça pret Yllin në ndeshjen që nis në ora 18, ndërsa në “13 qershori” të Suharekës, Rahoveci pret Vëllaznimin, në ndeshjen që nis gjithashtu në ora 18.
Trepça me fitore do të mund të dalë në vend të parë të tabelës, ndërsa Ylli mund të rrit gjasat dhe shpresat për Play-Off.
Në anën tjetër, thuajse opcioni i vetëm që i ka mbetur Vëllaznimit për t’iu larguar vendit të fundit dhe për t’iu afruar çlirimit nga pozita që çon në Play-Out është lufta me Rahovecin.
