Duhet t’i fitojmë edhe ndeshjet në shtëpi

Playmakeri i Sigal Prishtinës, Stanimir Marinov, pas ndeshjes me Kozuvin ka thënë që ekipi duhet t’i fitojë tre ndeshjet e radhës që i luan në shtëpi, për të siguruar vendin e parë në grup. 

Ai në ndërkohë ka folur edhe për mënyrën se si fituan ndeshjen e mbrëmshme. 

“Kemi nisur keq ndeshjen. Në pushimin e pjesëve trajneri na tha disa gjëra dhe ne përmirësuam mbrojtjen, ndërsa luajtëm më mirë edhe në sulm dhe gjithçka shkoi mirë. Tash na duhet të fitojmë të tre ndeshjet e radhës që i zhvillojmë në shtëpi, ashtu që të përfundojmë të parët në grup dhe ta kemi më lehtë në fazën tjetër,” ka thënë bullgari Marinov. 

Marinov mbrëmë ka shënuar 13 pikë, 2 kërcime e 1 asistim në fitoren e Prishtinës ndaj Kozuvit.