Fantasy TopSporti
Të gjitha lajmet
Tabelat dhe Rezultatet

TREPÇA - BASHKIMI

E pesta rresht për Trepçën, Sterle debuton me humbje

E pesta rresht për Trepçën, Sterle debuton me humbje


7 March, 2021 @18:32

Skuadra e Trepçës ka vazhduar me serinë e fitore duke triumfuar për herë të pestë rresht në Superligë.

Viktima e radhës për xehetarët ishte skuadra e Bashkimit, e cila në këtë ndeshje u paraqit me trajnerin e sapo emëruar, Franko Sterle.

Ndeshja filloi me katër pikët e para të Bashkimit, ndërsa më pas pasoi seria prej 14-0 e Trepçës, e cila nga ai moment e mori kontrollin e lojës në dorë.

Prizrenasit e shkrinë disavantazhin deri në maksimum kur me trepikëshin e Christian Lutete e mbyllën pjesën e parë me rezultat 43-42, por energjia për ta marrë epërsinë mbi vete u mungoi.

Ekipi i trajnerit Serhat Sehit vazhdoi të mbajë epërsinë edhe në çerekun e tretë, ndërsa shpërthimin në rezultat e arriti në fillim të çerekut të fundit me seri magjike prej 16-0, për të sigurar fitore të qetë dhe të merituar me rezultatin përfundimtar 88-72.

Ivan Koljevic ishte koshashënuesi më i mirë te fituesit me 24 pikë, i cili ishte i ndihmuar nga Besnik Azemi (17), Drilon Hajrizi (16) dhe Dillon Smith (16) të cilët po ashtu patën pikë dyshifrore te xehetarët.

Te Bashkimi më i dalluari ishte Christian Lutete me 28 pikë dhe 9 kërcime, kurse qendra Obinna Oleka u dallua me kërcime duke kapur 24 topa nën kosh.

TABELA AKTUALE

Me këtë fitore tani Trepça është afruar edhe më tej pozitës së pestë të cilën vazhdon ta mbajë Bashkimi. Mitrovicasit kanë 9 fitore, një më pak se prizrenasit.


 
Të gjitha lajmet nga FBK Superliga