Edhe 2 përforcime te Sigal Prishtina

Vetëm një ditë pas përfundimit të afatit kalimtar të rregullt të janarit, Sigal Prishtina ka parashtruar kërkesë për regjistrim të edhe dy lojtarëve para fillimit të stinorit të ri.

Cameron Dakota Forte dhe Curtis Lee Davis III janë basketbollistët amerikanë të paraqitur për regjistrim në FBK sot, ka bërë të ditur faqja zyrtare e Federatës sot.

I pari, ka qenë së fundi pjesë e ekipit Atomeromu në Hungari, ndërsa i dyti ka qenë së fundi lojtar i Canton Charge nga D League e SHBA-së.

Forte ka zhvilluar 5 ndeshje për ekipin hungarez këtë stinor. Ai ka pasur mesatarisht 29 minuta për ndeshje te ky ekip, ndërsa ka shënuar 14 pikë, 8.6 kërcime dhe 2.8 asistime mesatarisht. Alo është pozita e tij, ndërsa lojtari është i lindur në vitin 1993.