BIBL
Beroe-Teodo, rezultat i favorshëm për Bashkimin
17 January, 2017 @21:01
Ndeshja ndërmjet Beroes dhe Teodos e zhvilluar sonte në kuadër të Ligës Ballkanike, i ka konvenuar gjithashtu edhe skuadrës së Bashkimit.
Skuadra bullgare e mposhti Teodon me rezultat të thellë, 94-72.
Teodo është rivale direkte e Bashkimit në luftë për kualifikimin në fazën e dytë, ndërsa humbja e saj sonte, i ka lehtësuar paksa punët skuadrës prizrenase, e cila pikërisht kundër Teodos do të luajë në ndeshjen e fundit.
Tani të dy skuadrat kanë bilanc prej 4 fitoreve dhe 5 humbjeve, që do të thotë se pavarësisht rezultateve të ndeshjeve të tjera, fituesi i ndeshjes Bashkimi-Teodo që luhet më 24 janar, kualifikohet në fazën e dytë, ndërsa humbësi do të duhet ta merr lapsin e fletoren për t’i bërë kalkulimet e tjera me shpresë për kualifikim.
