DISFATA E DYTË ME RADHË
Edhe një humbje për Prishtinën
9 December, 2015 @20:41
Kampionia e BIBL-it, Sigal Prishtina, ka pësuar edhe humbjen e dytë me radhë në këtë garë, pas asaj ndaj Mornarit në Prishtinë.
Ekipi që pardje largoi trajnerin Marjan Ilievski, sonte nën drejtimin e ndihmësve Fikret Shatri e Albert Sylejmani nuk ka arritur t’i bëj ballë Kozuvit, që ka shënuar fitore në fund.
Sigal Prishtina nisi më mirë ndeshjen, duke krijuar epërsi 4 pikëshe në fund të çerekut të parë, por në çerekun e dytë humbi këtë epërsi.
Më pas, çereku i tretë kaloi baraz e në të katërtin Sigal Prishtina nuk arriti të shënojë më shumë se 9 pikë në koshin e maqedonëve, ku këta të fundit iu gëzuan fitores pas 40 minutave lojë.
Goran Glavchev dhe Brandon Penn kanë qenë violinat kryesore të Kozuvit në fitore, duke shënuar 19, përkatësisht 18 pikë në fitoren e ekipit të tyre.
Te Prishtina, Dardan Berisha ka qenë më efikasi me 15 pikë të shënuara, por ka pasur edhe 5 topa të humbur, derisa Mohamed Abukar është dalluar me 14 e kapiteni Edmond Azemi me 13 pikë të tjera.
Derisa Sigal Prishtina tash ka bilanc 2-2 në Grupin A të BIBL, Kozuvi e ka 2-3.
Statistikat ekipore
| Kozuv | Sigal Prishtina | ||
| Çereku i parë | 17 | 21 | |
| Çereku i dytë | 17 | 9 | |
| Çereku i tretë | 22 | 23 | |
| Çereku i katërt | 12 | 9 | |
| Kërcime | 33 | 30 | |
| Asistime | 15 | 12 | |
| Bllokada | 0 | 1 | |
| Topa të vjedhur | 10 | 9 | |
| Topa të humbur | 19 | 19 | |
| Tentime për tre pikë | 9/24 (37%) | 5/24 (20%) | |
| Tentime nga loja | 23/53 (43%) | 23/56 (41%) | |
| Tentime nga gjuajtjet e lira | 13/17 (76%) | 11/14 (78%) |
Statistikat individuale te Kozuvi
| 1 | Goran Glavchev | 19 pikë | 3 kërcime | 1 asistim |
| 2 | Brandon Penn | 18 pikë | 8 kërcime | 3 asistime |
| 3 | Vladimir Brckov | 12 pikë | 9 kërcime | 4 asistime |
| 4 | Tomcho Sokolov | 7 pikë | 3 kërcime | 1 asistim |
| 5 | Daniel Nacevski | 7 pikë | 1 kërcim | |
| 6 | Aleksandar Sterjov | 5 pikë | 3 kërcime | - |
Statistikat individuale te Sigal Prishtina
| 1 | Dardan Berisha | 15 pikë | 5 kërcime | 4 asistime |
| 2 | Mohamed Abukar | 14 pikë | 3 kërcime | 1 asistim |
| 3 | Edmond Azemi | 13 pikë | 8 kërcime | 1 asistim |
| 4 | Stanimir Marinov | 10 pikë | 5 asistime | 3 kërcime |
| 5 | Gëzim Morina | 4 pikë | 5 kërcime | - |
| 6 | Blerim Mazreku | 4 pikë | 2 kërcime | - |
| 7 | Muhamed Hasani | 2 pikë | 1 asistim | - |
