Dramën në Prizren, e fitoi Bashkimi

Kur Tay Waller dështoi të shënojë treshen 1 minutë para fundit të takimit e Gerti Shima nuk arriti të shënojë nga kërcimi i fituar në sulm, Masan Vrbica i Teodos kishte dy gjuajte të lira pranë rezultatit 77-78 për malazezët. 

Mirëpo, ai nuk arriti të shënojë asnjërën nga tentimet e në sulmin e fundit Waller qëlloi dyshen dramatike për t’ia dhënë epërsinë 79-78 Bashkimit 2.3 sekonda para fundit të ndeshjes. 

Nën bllokadën e Granit Rugovës, pasimi i Vrbicas nuk gjeti bashkëlojtarin dhe Bashkimi kështu shënoi fitoren e tretë në BIBL në ndeshjen mjaft dramatike ndaj Teodos ku rezultati ndërrohej thuajse pa ndalë, herë në epërsi të njërës e herë të tjetrës. 

Bashkimi duroi tërë ndeshjen me pesëshen kryesore të skuadrës, Marcel Jones, Tre Bussey, Tay Waller, Gerti Shima dhe Granit Rugova, derisa Qëndrim Biraj luajti 12 e Imer Tahiri vetëm 4 minuta, sa për të pushuar bashkëlojtarët. 

TABELA AKTUALE E BIBL

Jones ishte më efikasi në ndeshje me 27 pikë e 9 kërcime, derisa Shima i mrekullueshëm me double-double prej 16 pikëve dhe 14 kërcimeve. Rugova shënoi 15 pikë e 4 asistime në fitoren e ekipit duke llogaritur këtu edhe një dyshe në minutën e fundit që futi ndeshjen në dramë. 

Teodoja, që pësoi humbjen e dytë të stinorit ndaj Bashkimit, pas asaj ndaj Pejës, koshashënues më të mirë ka pasur Manuel Johnsonin me 16 pikë e 11 kërcime. 

Bashkimi tash ka bilanc 3-3 derisa Teodoja 4-2. 

Statistikat ekipore

	BASHKIMI	TEODO
Çereku i parë	21	17
Çereku i dytë	21	21
Çereku i tretë	19	22
Çereku i katërt	18	18
Kërcime	37	37
Asistime	18	15
Bllokada	4	3
Topa të vjedhur	6	2
Topa të humbur	8	15
Tentime për tre pikë	9/23 (39%)	9/25 (36%)
Tentime për dy pikë	24/51 (47%)	20/32 (62%)
Gjuajtje të lira	4/7 (57%)	11/17 (64%)

Statistikat individuale te Bashkimi

1	Marcel Jones	27 pikë	9 kërcime	4 asistime
2	Gerti Shima	16 pikë	14 kërcime	2 asistime
3	Granit Rugova	15 pikë	4 kërcime	4 asistime
4	Tay Waller	12 pikë	2 kërcime	-
5	Tree Bussey	4 pikë	5 kërcime	7 asistime
6	Imer Tahiri	3 pikë	-	-
7	Qëndrim Biraj	2 pikë	1 kërcim	1 asistim

Statistikat individuale te Teodo

1	Manuel Johnson	16 pikë	11 kërcime	2 asistime
2	Milos Djurisic	14 pikë	3 kërcime	5 asistime
3	Aaron Mitchell	13 pikë	2 kërcime	3 asistime
4	Masan Vrbica	11 pikë	3 kërcime	1 asistim
5	Ivan Zejak	9 pikë	7 kërcime	2 asistime
6	Nikola Vucurovic	8 pikë	4 kërcime	1 asistim
7	Nemanja Arsic	4 pikë	3 kërcime	-
8	Srdjan Subotic	3 pikë	1 kërcim	1 asistim