YLLI - BOREA
Edhe Ylli me rekord sezonal
13 March, 2019 @20:23
Siç është pritur ashtu edhe ndodhi.
Në ndeshjen hapëse të xhiros XXI të Superligës së Kosovës në basketboll, skuadra e Yllit e mposhti bindshëm Borean me rezultat 132-51.
132 pikë të shënuara nga skuadra e Yllit, është rekord sezonal për skuadrën e trajnerit Arben Krasniqi, derisa gjatë tërë ndeshjes kontrolli ishte te Ylli.
Leonard Mekaj shkëlqeu me 35 pikë, 6 asistime, 5 topa të vjerdhur dhe 3 kërcime, derisa u ndihmua edhe nga Romelo Banks me 25 pikë e 10 kërcime dhe Ardit Pepaj me 23 pikë të tjera.
Te Borea që po luan me juniora, më i dalluari ishte Hamza Sylqa me 13 pikë, 4 asistime e 3 kërcime.
Kjo ishte fitorja e 14 e Yllit krahas 7 humbjeve që i ka dhe gjendet në pozitën e dytë, derisa Borea me 3 fitore e 18 humbje është në fund të tabelës.
